Serikali yatangaza nafasi za kazi 1,100.

Serikali kupitia Ofisi ya Rais Sekretarieti ya Ajira katika Utumishi wa Umma imetangaza nafasi za kazi 1,134 katika sekta mbalimbali za ofisi za umma.

Kwa mujibu wa Katibu wa Sekretarieti ya Ajira katika Utumishi wa Umma, Xavier Daudi nafasi hizo za kazi ambazo zinapatikana katika tovuti ya Sekretarieti ya Ajira ya www.ajira.go.tz ni kwa ajili ya waajiri mbalimbali wa ofisi za umma.

Katibu alifafanua kuwa nafasi 949 ni kwa ajili ya waajiri walioainishwa katika ofisi za wizara, halmashauri na nyingine 185 ni za taasisi na wakala mbalimbali za Serikali.

Aidha, amewataka waombaji wote wa fursa za ajira kufungua matangazo yote mawili ya kazi na kuzingatia masharti ya Matangazo yote kama yalivyo katika lugha ya Kiingereza na Kiswahili kabla ya kutuma maombi yao Aprili 9, 2013.

Daudi alifafanua kuwa waajiri ambao watatoa ajira hizo ni makatibu wakuu Ofisi ya Waziri Mkuu, Wizara ya Fedha, Wizara ya Mambo ya Nje ya Nchi na Ushirikiano wa Kimataifa, Wizara ya Mambo ya Ndani ya Nchi, Wizara ya Maendeleo Jinsia na Watoto, Wizara ya Kazi na Ajira na Ofisa Mtendaji Mkuu Wakala wa Vipimo.

Wengine ni Makatibu wakuu Wizara ya Mifugo na Uvuvi, Wizara ya Kilimo Chakula na Ushirika, Wizara ya Viwanda na Biashara, Wizara ya Sayansi na Teknolojia, Wizara ya Nishati na Madini, Wizara ya Elimu na Mafunzo ya Ufundi, Wizara ya Ardhi Nyumba na Makazi, Wizara ya Maji na Katibu Ofisi ya Rais Maadili.

Wengine ni Makatibu Tawala wa Mikoa ya Kagera, Iringa, Ruvuma, Mbeya, Mwanza, Shinyanga, Manyara, Dar es Salaam, Morogoro, Geita, Pwani, Mara, Kilimanjaro, Lindi, Singida, Tabora, Tanga, Katavi na Arusha; pamoja na wakurugenzi wa halmashauri za majiji na manispaa Mwanza, Iringa, Songea, Shinyanga, Morogoro, Singida, Kigoma/ Ujiji na Temeke.

Nafasi nyingine ni kwa ajili ya wakurugenzi wa Halmashauri za Wilaya Mufindi, Kyela, Rungwe, Mbeya, Chunya, Biharamulo, Bukoba, Muleba, Namtumbo, Songea, Morogoro, Makete, Mkuranga, Mbinga, Tunduru, Ukerewe, Sengerema, Ilemela, Busega, Maswa na Meatu.

Nyingine ni Wilaya za Shinyanga, Kishapu, Kilosa, Msalala, Rufiji, Rorya, Ruangwa, Lushoto, Mkinga, Mpanda, Monduli, Ngorongoro, Kigoma, Nachingwea, Rombo, Same, Singida, Urambo, Tabora, Babati, Mbulu, Simanjiro na Kiteto.

Pia zimo Wilaya za Handeni, Pangani, Kibondo, Chamwino Mtwara, Nanyumbu, Mpwapwa, Kongwa na Tandahimba pamoja na halmashauri za miji ya Njombe na Kibaha. Nafasi nyingine ni za Baraza la Kiswahili la Taifa (Bakita) na Wakala wa Ufundi na Umeme (Temesa).

Nafasi hizo zilizotangazwa zimegawanyika katika kada zifuatazo; Mchambuzi Mifumo ya Kompyuta daraja la II – (nafasi 10), Ofisa Vipimo II – nafasi 6, Mpima Ardhi, daraja la II (nafasi 26), Mhandisi daraja la II – Ufundi Umeme – Nafasi 9, Ofisa Mipango Miji daraja la II– nafasi 13 na Mhandisi daraja la II - Ujenzi (Nafasi 16).

Pia wanahitajika wahandisi daraja la II - Maji (Nafasi 13), Ofisa Misitu daraja la II (nafasi 7), Ofisa wa Sheria daraja la II – nafasi 3, Mtakwimu daraja la II – nafasi 8 na nyingine mbalimbali.

Msuva: Nina siri tatu hamzijui.

WINGA Simon Msuva ameweka wazi mambo matatu yaliyomfanya ang’are kwenye kikosi cha Yanga msimu huu na kuzima kelele za mashabiki waliokuwa wakimlaumu kwa makosa kadhaa mara kwa mara.
Msuva alikuwa akilaumiwa kwa makosa kadhaa mzunguko wa kwanza msimu uliopita lakini baadaye akabadilika na akamaliza ligi akiwa tegemeo kikosini.

Alipozungumza na Mwanaspoti, Msuva alisema: “Kwanza nilijifunza kitu kuwa mashabiki wanataka mambo mazuri tu na siyo mabaya. Kupitia wao nikawa kila ninapokuwa uwanjani, nahakikisha najituma kwa nguvu zangu zote na kurekebisha makosa yote ambayo nilikuwa nayafanya nao wanayakemea ili nisiwaangushe.”
“Pili nimekuwa nafanya sana mazoezi yangu binafsi mbali na yale ninayokuwa nafanya pamoja na timu, hata kama ninapokuwa kambini huwa nafanya na zaidi ni kukimbia kutengeneza stamina na kasi ndiyo maana uwanjani nakuwa fiti,”alisema Msuva.
“Lakini cha tatu ni kufuata maelekezo ya kocha kwa kutimiza kila kitu ambacho anakihitaji. Kama unavyojua kila kocha anastahili yake ya ufundishaji, vile unavyomfuata ndiyo unakwenda naye sawa,”alisema Msuva ambaye uwepo wake umeongeza kasi kwenye fowadi ya Yanga hasa anaposimama na winga mwenzake, Mrisho Ngassa.

Anayeendesha maisha kwa kutegemea urefu wa kucha.

Inaweza kuonekana kuwa ni kitu cha ajabu kwa binadamu wa kawaida kukaa bila kukata kucha kwa mwaka moja, lakini kumbe inawezekana kabisa mtu kufuga kucha kwa muda wa miaka 12.
Hilo limedhihirishwa na John Waweru, raia wa Kenya ambaye amefanikiwa kufuga kucha zake kwa muda wa miaka 12 na kufikia urefu wa futi moja na inchi 3.
Katika mahojiano yake na gazeti la Nairobi News, Waweru anaweka bayana kuwa kucha hizo ndizo zimekuwa chanzo kikuu cha kumwingizia kipato.
Anasema amefanikiwa kuzigeuza kucha hizo kuwa mojawapo ya kivutio cha utalii nchini Kenya kutokana na kuwafanya watalii kuzishangaa na hivyo kumpatia pesa kama malipo ya kivutio hicho.
Ili kuzidi kuwavutia watalii Waweru amezipaka kucha zake rangi zilizopo katika bendera ya Kenya hali inayomwongezea mvuto zaidi.
“Nimezipaka rangi ya bendera yetu kwa kuwa watalii wengi wanaokuja kupiga picha na mimi wanazipenda rangi hizo ili kuwafurahisha wateja wangu,” anasema Waweru akiongea na Kenya News
Anasema siku biashara ikiwa nzuri ana uhakika wa kurudi nyumbani na Sh5,000 (sawa na Sh94,000 za Kitanzania).
Waweru (33) anasema tangu mwaka 2002 alipoanza kufuga kucha hizo hajawahi kuzikata wala kuzipunguza kutokana na sababu yoyote ile.
“Baada ya kumaliza shule nilipata kazi lakini kucha zikawa zinakua kwa kasi kiasi cha kunifanya nishindwe kutimiza majukumu yangu nikaona bora niache kazi ili ziendelee kukua bila kikwazo chochote, nazilinda sitaki zikatike kwa namna yoyote.”
Anafafanua kuwa kikubwa anachokifanya ni kuilinda rasilimali hiyo akiamini kuwa ndiyo mtaji wake, hivyo siku zote hujaribu kujiweka mbali na ugomvi au hatari yoyote itakayosababisha kucha hizo kukatika.
“Tangu nimeanza kufuga kucha nimekuwa mtulivu mno. Najiweka mbali na ugomvi ili nisije kupoteza chanzo changu cha mapato. Nafahamu fika kuwa kupigana kunaweza kusababisha kucha zangu zikatike kitu ambacho sitaki kitokee,” anasema.
“Hata pombe nimeacha kunywa. Najaribu kufanya kila linalowezekana ili kucha zangu zisiingie kwenye hatari na huwa nazifunika kuziepusha na
purukushani.”
Kutokana na urefu wa kucha hizo, Waweru anashindwa kufanya baadhi ya shughuli zake kama vile kufua, kupika na kazi nyingine za mikono hivyo amelazimika kumwajiri kijana.
Mlo
Waweru analazimika kula vyakula maalumu vyenye madini ya ‘Calcium ‘ambayo kwa kiasi kikubwa husaidia kucha kuwa imara.
“Kwa kuwa nataka kucha zangu zizidi kukua na kuwa imara nalazimika kula vyakula ambavyo ninaweza kupata madini ya ‘calcium’ na vilevile nahakikisha nakunywa maziwa na maji ya kutosha”
Kuhusu familia anasema kuwa hana mke, lakini anaye mpenzi ambaye ameridhika na namna alivyo na siku zote amekuwa akimuunga mkono kwa kila anachokifanya.
Anaeleza kuwa imekuwa kawaida kwake anapoamka asubuhi na kuanza safari kwenda kwenye vituo vya utalii ambako hukutana na watu mbalimbali wanaotaka kuona kucha zake na kupiga naye picha.
Licha ya kuwapo Wakenya ambao pia huvutiwa na kucha zake, wapo baadhi yao ambao huzihusisha na imani za kishirikina na kumhisi kuwa mchawi.
“Nimekuwa nikikutana na changamoto mbalimbali hata kutoka kwa ndugu zangu wakinitupia vijembe kuwa kucha zangu ni ishara ya kumwabudu shetani.”
Hata hivyo, Waweru amekuwa akitupilia mbali madai hayo kutokana na malengo ambayo amejiwekea na namna ambavyo kucha hizo zimekuwa mkombozi wa maisha yake.
Mafanikio
“Ninachoamini ni kuwa kucha zangu ni kivutio cha utalii kwahiyo siwezi kuchukulia maneno hayo kama sababu ya kunirudisha nyuma. Zimenisaidia sana kubadili maisha yangu sina kazi ninayofanya lakini naweza kumudu gharama za maisha,” anasema Waweru
Kupitia pesa amefanikiwa kujenga nyumba ya vyumba vinne ambavyo amevipangisha. Vilevile ameweza kufungua saluni inayohusika na utengenezaji wa kucha ambayo pia imekuwa sehemu ya kumwingizia kipato.
Anawasihi vijana kutokujibweteka kusubiri kazi za kuajiriwa au kutegema siku zote kukaa ofisini na badala yake kutafuta namna nyingine za kuwaingizia kipato kama ambavyo amefanya yeye.
Waweru anaamini kuwa ana kucha ndefu kuliko wote barani Afrika na matarajio yake siku moja ni kumfikia na hata kumpita Lee Redmond, ambaye ameingizwa kwenye Guiness Book of Records.
Mwananchi.

Nyalandu amtimua Mkurugenzi Wanyamapori Kamati ya Bunge.

Hatua ya kurejeshwa kazini Mkurugenzi wa Wanyamapori, Profesa Alexander Songorwa baada ya kutimuliwa kazi na Waziri wa Maliasili na Utalii, Lazaro Nyalandu imeibua mapya baada ya mkurugenzi huyo kutimuliwa katika Kamati ya Bunge jana.
Wajumbe wa Kamati ya Bunge ya Ardhi, Maliasili na Mazingira walikubaliana na pendekezo la Nyalandu kutaka Profesa Songorwa asijitambulishe katika kikao cha kamati hiyo kwa kuwa hakuwa anatambulika.
Sakata hilo lilitokea wakati kigogo huyo na watendaji wengine walipokuwa wakijitambulisha kabla ya kuanza kwa kikao cha kamati hiyo kilichokuwa kikijadili Bajeti ya Serikali mwaka 2014/15.
Februari mwaka huu, Profesa Songorwa na Mkurugenzi Msaidizi wa Matumizi Endelevu ya Wanyamapori, Jafari Kidegesho walisimamishwa kazi na Nyalandu akisema ni utekelezaji wa azimio la Bunge katika Ripoti ya Operesheni Tokomeza Ujangili.
Hata hivyo, watendaji hao, walirejeshwa na Katibu Mkuu wa Wizara ya Maliasili na Utalii, Maimuna Tarishi.
Taarifa kutoka ndani ya kikao hicho zilieleza kwamba baada ya Nyalandu kukataa kumtambua, wajumbe walimuunga mkono wakisema nao hawamtambui kwa sababu hatua aliyochukuliwa ilitokana na uamuzi uliofikiwa na Kamati ya Operesheni Tokomeza, ambayo ni sehemu ya Kamati hiyo ya Bunge.
Alipoulizwa kuhusu suala hilo, Nyalandu alikiri kumzuia Songorwa kujitambulisha: “Kwanza sikujua kama angekuwapo katika kikao kile, maana suala lake bado hatujalizungumza ofisini. Sikuona sababu ya yeye kujitambulisha. Tukirejea ofisini tutalizungumza na kazi zitaendelea kama kawaida, ila azimio la Bunge dhidi yake lipo wazi. Uamuzi haurudi nyuma na itabidi apangiwe kazi nyingine.”
Mwenyekiti wa Kamati hiyo, James Lembeli alishindwa kukiri wala kukataa kutokea kwa jambo hilo zaidi ya kusema jambo hilo iulizwe Wizara ya Maliasili na Utalii.Profesa Songorwa hakupatikana jana kuzungumzia suala hilo na simu yake ya mkononi ilikuwa ikiita bila majibu.
Mwananchi

Wazee wa Yanga wasema,Mkiwagusa Twite, Dida patachimbika

KWANZA walisikia straika Didier Kavumbagu amesaini Azam FC wakashituka, baadaye wakapotezea. Lakini Jumatano mchana waliposikia Frank Domayo naye amesaini huko wakachanganyikiwa wakaitana ghafla klabuni.
Hao ni wazee wa Yanga ya Dar es Salaam ambao wametoa onyo kali na kusema kwamba wachezaji wao wote wawe huru kuondoka, lakini endapo beki Mbuyu Twite na kipa Deo Munishi ‘Dida’ wakiondoka tu, patachimbika.
Wazee hao wamesisitiza kwamba wameupa uongozi angalizo kwamba wafanye wanavyoweza wachezaji hao wasiondoke Yanga na kama ikishindikana watazungumza mambo mengine.
Twite yuko kwenye mazungumzo na Azam ambapo amewashinikiza Yanga wampe Sh80 milioni asaini mkataba mpya, jambo ambalo viongozi hawakubaliani nalo kwa madai kwamba mchezaji huyo licha ya kwamba ni kiraka lakini umri umemtupa.
Ndani ya wiki klabu ya Yanga imepata pigo kwa kuchukuliwa wachezaji wake Kavumbagu na Domayo huku baadhi ya wanachama wakionekana kuchanganyikiwa na kutoelewa ni nini kimetokea ingawa Mwanaspoti linajua kwamba viongozi wa Yanga walizidiwa kete licha ya harakati zao za kupambana.
Kavumbagu na Domayo wamesaini mikataba mipya ya miaka miwili kila mmoja na mabingwa wa Ligi Kuu Bara, Azam hivyo wapo tayari kuitumikia klabu hiyo msimu ujao wa ligi 2014/15.
Akizungumza na Mwanaspoti, Katibu wa Baraza la Wazee wa Yanga, Ibrahim Akilimali, alisema kuondoka kwa wachezaji hao kumewashitua huku akisisitiza kuwa viongozi wa Yanga wafanye kila wanaloweza kuhakikisha Twite na Dida wanabaki kwenye himaya yao.
Akilimali ambaye ana ushawishi mkubwa kwa wanachama wakongwe, alisema juzi Jumatano wazee walikutana katika Makao Makuu ya klabu hiyo kujadili juu ya uchaguzi wao ujao pamoja na kufanya tathimini ya ligi kuu msimu uliopita lakini kikao hicho hakikuweza kumalizika baada ya kuingilia habari za usajili.
“Hawa wote waondoke tu, ila wazee tutaumia sana endapo Twite na Dida wataondoka Yanga, sijui kilio chetu kitakuwaje na sijui nini kitatokea ndani ya Yanga, hivyo viongozi wetu wafanye wawezalo kuhakikisha wanawazuia wachezaji hao,” alisema.
“Tumeshika nafasi ya pili kwenye ligi jambo ambalo lilituhuzunisha sana, ila hatuwezi kulipinga kwani ndiyo mpira lakini sasa hivi tunaanza kupata picha kwamba huenda hata wachezaji hawakuwa na malengo, labda tayari walikuwa wameshawishiwa, hivyo waache waende tubaki na wale wazalendo na wataitumikia Yanga kwa moyo mmoja,” alisema Akilimali.
Akifafanua zaidi juu ya Twite, Mzee Akilimali alisema kuwa “Twite ni mchezaji mwenye nidhamu kubwa na anajituma, tunatamani angekuwa ndiye nahodha wa timu yetu ila haiwezekani kwa sababu siyo raia wa Tanzania, Twite haonyeshi tamaa ya fedha anaonyesha kipaji.
“Tumesikia Azam wanamtaka Twite ndiyo maana tumeweka wazi kuwa viongozi wahakikishe anabaki kuichezea Yanga, bado tunamuhitaji sana kutusaidia,” alisema Akilimali huku akisema wamesimama kujadili mambo ya uchaguzi mpaka Mwenyekiti wa Yanga, Yusuf Manji atakaporejea nchini.
Twite amekiri kufanya vikao viwili juzi Jumatano na viongozi wa Yanga vyenye agenda moja ya usajili na kushindwa kukubaliana lakini akasema anatoa siku mbili vinginevyo kuna maamuzi mawili atayafanya.
Twite raia wa Rwanda, ameliambia Mwanaspoti kuwa anahitaji kubaki katika klabu hiyo lakini kama ataendelea kuona muafaka unashindwa kupatikana atatafuta tiketi ya ndege na kuondoka nchini haraka kurudi kwao Rwanda na baadaye atatimkia DR Congo.
“Ni kweli nimezungumza na viongozi wa Yanga, nimefanya nao vikao viwili muhimu, nikiona bado hali inaendelea hivi muafaka haupatikani ni vyema nikaondoka hapa Tanzania nirudi nyumbani ambako nitafanya maamuzi,” alisema Twite.
“Unajua nawaheshimu sana mashabiki wa Yanga lakini sitaki kuzungumzia hizo habari za Azam mimi ndiyo najua ukweli, nasema katika siku mbili hizi kutoka leo (jana Alhamisi) ningependa kuona Yanga wanahitimisha hili vinginevyo inawezekana kabla ya kuondoka au baada ya kuondoka nitachukua maamuzi yangu.
“Hapa ni rahisi watu kukushushia lawama lakini hawaangalii ni jinsi gani mtu unavyovumilia, mimi ni mchezaji ninayejiheshimu najua ninachotaka najua nani ananihitaji, sina matatizo nikibaki Yanga lakini lazima ieleweke siwezi kucheza Yanga bila ya kuwa na mkataba ambao mimi nitakubaliana nao,”alisisitiza Twite.

Aliyemtupia Ndizi Alves akamatwa

Polisi nchini Uhispania, wanasema wamemkamata shabiki aliyemtupia mchezaji soka wa Barcelona Dani Alves Ndizi siku ya Jumapili akiwa uwanjani.Dani ni raia wa Brazil anayesakatia soka yake katika klabu ya Barcelona
Kitendo hicho cha ubaguzi kilitokea wakati Alves alipokuwa anajiandaa kupiga mpira wa kona uwanjani siku ya Jumapili.Alves alichukua Ndizi hiyo na kuila, kitendo ambacho kimemletea sifa duniani kote na hata kuanzisha kampeini dhidi ya ubaguzi wa rangi katika mitandao ya kijamii.

Shabiki huyo aliyekamatwa anajulikana kama David Campaya na ana umri wa miaka 26 anayeunga mkono klabu ya Villarreal.Klabu hiyo ilisema kwamba mwanamume huyo hataruhusiwa tena kuhudhuria mechi zozote msimu huu na kwamba amepigwa marufuku maisha.
Mchezaji huyo alisema alishangazwa sana na uungwaji mkono aliopata kutoka kote duniani watu wengi wakionekana kwenye mitandao ya kijamii wakila Ndizi kama ishara ya kumuunga mkono Alves.
Barcelona walishinda Villareal mabao 3-2 katika mechi hiyo iliyochezwa kwenye uwanja wa El Madrigal mjini Castellon pwani ya Hispania.Alves aliambia BBC kuwa kilichomkumba sio jambo geni, na kwamba amekuwa akipinga vitendo vya ubaguzi wa rangi kwa miaka sita.

XXXTZ: VIDEO..LECTURE NA MWANAFUNZI WAKE WAJIREKODI WAKIF...

XXXTZ: VIDEO..LECTURE NA MWANAFUNZI WAKE WAJIREKODI WAKIF...: CHEKI VIDEO HAPA CHINI