JAMII NETWORK

Unknown

Kandili Huru: VIDEO:UKWELI WA KUTISHA KUHUSU MALAYA WA UWANJA WA...: Uwanja wa Fisi (2007)in Dar Es Salaam is the favoured hang out for Tanzania's young prostitutes. Their heartbreaking stories reve...

Unknown

Kumekuwa na maswali yasiyo na majibu miongoni mwa jamii kwamba imekuaje vijana wa kiume wamekuwa ni waongo sana hasa linapokuja swala la kuoa? Kwa kadiri siku zinavyozidi kwenda ndivyo ambavyo idadi ya wanaume wanaoogopa kuoa inazidi kuongezeka. Utakuta wapenzi wanaambiana kwamba wanapendana na kuahidiana kuwa wataoana, lakini kitakachotokea baada ya hapo ni mwanaume kuanza kupiga chenga kwa visingizio lukuki.

Kwa nini hali hiyo hutokea?

Ukweli ni kwamba hakuna jibu la moja kwa moja juu ya tatizo hilo, lakini yapo mambo ambayo yanaweza kutupa angalau tafakuri. Nitajaribu kudadavua baadhi ya sababu zinazowafanya wanaume siku hizi kukwepa kuingia katika taasisi ya ndoa:

1 Ukosefu wa mtu wa kumchukulia kama mfano:
Hapa nawazungumzia wale watoto wa kiume waliolelewa malezi ya upande mmoja yaani walilelewa na mama peke yao. Sina maana ya kudharau au kutweza malezi ya mama, la hasha, lakini ni vyema mkafahamu kwamba kuwa na baba asiye na malezi mazuri si sawa na kutokuwa na baba. Na ndio maana nikasema ukosefu wa mtu wa kumchukulia kama mfano. Achilia mbali aina ya malezi atakayoyapata kwa familia yawe mazuri au mabaya lakini lazima kutakuwa na tabia za kiume zitakazoakisi malezi ya mtoto wa kiume katika familia husika. Watoto waliolelewa na mama peke yao kuna kitu huwa wanakosa, kwani wanakuwa hawana mtu wa kumchukulia kama mfano kwa upande wa jinsia ya kiume na hapo ndipo hujikuta wakijifunza wenyewe namna ya kuongea na kutenda kama wanaume kwa sababu katika makuzi yao hawakupata fursa ya kuwa karibu na baba zao. Kwa kuwa siku hizi kuna kundi kubwa la kina mama ambao wamejikuta wakiachiwa mzigo wa malezi ya watoto, baada ya aidha kuachwa na waume zao au kuzalishwa na kutelekezwa (Single mothers), na hapo ndipo tunaposhuhudia mtoto wa kiume anapokua kwa umri na kimo huku akiwa hana mtu wa kumuangalia kama mfano wa mume anavyotakiwa kuwa katika familia zaidi ya kujifunza mambo hayo kupitia katika TV, senema au miziki. Wanaume waliopitia malezi ya aina hii huchelewa sana kuoa kwani huyaangalia maisha ya ndoa kwa namna ya kujaribu na ndipo hapo wengi huishia kuishi kinyumba na wanawake kwa ajili ya kutaka kujifunza namna ya maisha ya ndoa yanavyotakiwa kuwa na ndio sababu huchukua muda mrefu kufanya maamuzi. Na mara nyingi huishia kubadilisha wanawake kutokana na kutokuwa na uhakika wa kile wanachokitafuta.

2 Mgogoro wa kiuchumi:
Kuna kundi kubwa la vijana siku hizi hawana ajira au hawana uhakika na kipato. Ukweli ni kwamba hakuna mwanaume atakayependa kujiingiza kwenye ndoa wakati hana kazi au hana uhakika na kipato chake. Na hiyo ni kutokana na wanawake wengi siku hizi kuonekana kujali zaidi wanaume wenye uhakika na kipato. Hii misemo ya wanawake ya kebehi dhidi ya wanaume wasio na ajira au kipato, kama vile “mwanaume suruale” ina mchango mkubwa sana katika kuwafanya wanaume kukwepa kuoa iwapo hawana ajira au hawana uhakika na kipato chao.

3 Wanawake wengi kuwa na kiwango cha elimu ya juu:
Siku hizi wanawake wengi wameibuka katika kutafuta elimu ya juu kwa juhudi kubwa. Idadi ya wanawake wanaojiunga na vyuo vikuu ni wengi tofauti na ilivyokuwa zamani. Na hiyo ni kutokana na wazazi wengi kubadili mtazamo wao juu ya mtoto wa kike. Zamani mtoto wa kike alichukuliwa kama kitega uchumi. Kwa maeneo ya vijijini na katika familia masikini, watoto wa kike walikuwa wanatazamwa kama, ‘biashara ya kesho’ ambapo watauzwa kwa njia ya mahari. Kwa hiyo thamani yao ilikuwa ni kuolewa, ni ile ya kibidhaa na sio kibinadamu. Lakini tofauti na zamani siku hizi hata kule vijijini kumekuwa na mwamko mkubwa sana wa kumsomesha mtoto wa kike hadi elimu ya juu. Kutokana na mwamko huo wanawake wengi wamejikuta wakiona elimu kama kimbilio pekee la kuepukana na mfumo dume. Mwanamke gani atakubali kunyanyaswa na mwanaume akiwa na elimu yake na labda pia akiwa na kazi yake yenye mshahara na marupurupu ya kutosha, naamini watakuwa ni wachache sana ambao hawajiamini au waliathiriwa na malezi. Kwa upande wa wanaume nao, wamejikuta wakiwaogopa wanawake hawa wenye elimu ya juu kwa hofu ya kuzidiwa kipato na labda kukosa sauti kama mwanaume na hiyo inatokana na ego tu.

4 Wanaume huwaona wanawake kama tishio wanapokuwa na mafanikio makubwa kifedha:
Inaweza kutokea mwanaume anaweza kuwa na uhusiano na mwanamke ambaye labda tu nisema ni mbangaizaji. Wakati huo anaweza kuahidi kufunga ndoa na mwanamke huyo, lakini iwapo itatokea mwanamke huyo akapata mafanikio kibiashara na kuinuka kifedha. Kama mwanamke asipokuwa makini anaweza kusababisha mwanaume huyo akaingia mitini. Sababu kubwa hapo inaweza kuwa ni hofu ya kuogopa kuongozwa na mwanamke. Kumbuka kwamba mfumo dume bado umetawala vichwani mwa wanaume wengi kutokana na malezi. Mwanaume asiyejiamini ni vigumu sana kwake kuoa mwanamke aliyemzidi kipato. Kwa sababu akifanyiwa jambo dogo tu, inakuwa kama ametoneshwa. Atahisi kutaka kutawaliwa na mwanamke huyo. Jambo ambalo wanawake wanatakiwa kulifahamu ni kwamba kila mwanaume anataka kutambuliwa na kuheshimiwa kama shujaa kabla ya kumfuata msichana. Iwapo utakuwa umesimama iwe ni kifedha au kielimu pale unapotafuta kupata mwenza, inabidi ujishushe sana la sivyo utadoda.

5 Wanaume wengi siku hizi wana hofu ya majukumu, hasa ya kulea watoto:
Kutokana na malezi yao au kile wanachokijua kuhusu watoto, baadhi ya vijana huamini kwamba, kulea watoto ni jambo gumu sana. Lakini wengine wanaamini kwamba, hata mke anapaswa kulelewa kama ilivyo kwa mtoto. Hivyo wanaamua kutafuta kwanza uwezo ambao haupatikani kiurahisi. Kuna wengine, ambao wamefundishwa au kuelekezwa na mila na desturi zao kwamba, kabla hawajaoa, ni lazima wawe na nyumba kwanza, tena kwao. Kwa hiyo, hawa hadi waje wapate uwezo wa fedha wanakuwa wameshachelewa.

6 Kuna baadhi ya wanaume, maisha bila ya ndoa wanayaona kuwa ndiyo bora kuliko yale ya ndoa:
Kuna baadhi ya wanawake hujirahisisha sana kwa wanaume. Siku hizi ni jambo la kawaida sana kukuta mwanaume anaishi na mwanamke bila ndoa, wenyewe wanaita Trial Marriage. Na hapo ndipo unapokuta wanaume hawaoni tena umuhimu wa kuoa. Sasa kama mwanamke anaweza tu kuishi na mwanaume bila ya ndoa na mwanaume huyo akapata huduma zote kutoka kwa mwanamke huyo, unadhani ni kitu gani kitamvuta kufunga ndoa. Jambo lingine ni ile dhana kwamba maana ya ndoa ni tendo la ndoa. Siku hizi wanaume wengi wamejikuta wakiwa hawahitaji tena kuoa kwa sababu tendo hilo linapatikana kiurahisi tofauti na zamani. Siku hizi inawezekana kabisa kumtongoza binti leo na kupata tendo siku hiyo hiyo….. Na hapa siwazungumzii makahaba. Nawazungumzia mabinti zetu ambao wengine ukiwaona ni watu wa kuheshimiwa ukiwaangalia kwa nje lakini kwa ndani hawana lolote, vijana wa siku hizi wenyewe huwaita maharage ya Mbeya.

Kuna sababu nyingi zinazotajwa kusababisha wanaume siku hizi kujivuta sana katika kufanya maamuzi ya kutafuta mwenza. Lakini hizo chache nilizozitaja zina mchango mkubwa.

Unknown

Lesson moja kubwa sana kwa WaTanzania ni kwamba tusiwe watu wa ku-react after the fact bse mara chache sana husaidia, hasa kwa michakato inayohusu Sheria. Muda wa kuamka ndiyo huu; tuwe na tabia ya kufuatilia mambo, hasa contemporary issues.
Kinachotokea kuhusu mchakato wa Katiba Mpya ni matokeo ya Sheria dhaifu, zinazotungwa kwa haraka haraka bila nia thabiti na maandalizi ya kutosha; na ambazo punde tena zinapindishwa ku-accomodate malengo Fulani.
Wakati kina Lissu wanapambana na Sheria ya Marekebisho ya Katiba, most of us tulimuona kama mtu m-bishi m-bishi tu wa Chadema. Hatukuelewa kwamba maandalizi ya kinachotokea leo yalianza wakati wa kutunga Sheria ile. Kama tungekuwa vigilant tungepinga, kwa mfano Sheria kubadilishwa ili kuwazuia wajumbe wa Tume ya Katiba kuwa wajumbe wa Bunge; kilichofuata ni Judge Warioba kutangulizwa, kisha Rasimu karibu yote (ikiwemo ukomo wa Uongozi, Rais kupunguziwa Madaraka, Haki za Binadamu) kubomolewa kwa mifano ambayo inayotakiwa kujadiliwa kwa umakini. Kwa mfano; Boris Yeltsin hakupanda katika kifaru sababu wanajeshi hawakulipwa mishahara, au kulikuwa na ugomvi kati ya Serikali Kuu ya USSR na Serikali Shirikishi zilizozaliwa kama za Russia. Yeltsin alipanda katika kifaru ili kuungana na wanajeshi wa Serikali Kuu ya USSR waliokuwa wakipinga jaribio la kumpindua Mikhail Gorbachev, Rais wa Shirikisho la USSR kutoka kwa wahafidhina waliopinga mabadiliko ya Sera ya Perestroika yaliyounda, pamoja na mambo mengine mengi ya Kidemokrasia, Serikali kadhaa shirikishi, katika USSR kama vile Russia na Ukraine na Estonia na Belarus. Tena huu ndiyo mfano mzuri kabisa wa namna Jeshi linavyoweza kulinda Katiba ya Nchi bila kujali chochote.
USSR ilibomoka sababu ilijengwa katika muungano wa kimaficho na wa lazima (ingawa leo hii kila siku Belarus na visehemu kadhaa katika nchi nyingine kama Crimea Abkhazia zinabembeleza kujiunga Russia), kama ilivyokuwa kwa Somalia na Somaliland na Puntland au Ethiopia na Eritrea au Czech Republic na Slovakia au Serbia, Croatia, Montenegro, Slovenia, Bosnia+ Herzegovina hatimaye Kosovo.
Comoro iliathiriwa sana na mapinduzi ya mara kwa mara ya Mfaransa Bob Denard kwa maslahi yake, na ya France; mpaka pale France ilipoamua enough is enough, na kumfunga jela. Makovu yale ndiyo yaliyoendelea kuyumbisha Comoro, kiasi kwamba Visiwa Shirikishi vilikuwa vinasumbua mara kwa mara. Mapinduzi yaliyotulizwa na majeshi ya nje yamewahi tokea hata katika nchi zisizo na muungano kama Congo Brazaville na Mali.
Nchi kama Switzerland inaundwa na confederations ya Cantons, na Rais huchaguliwa kila mwaka mmoja toka Cantons hizo, labda aliyepo apendwe na kuendelea mwaka mwingine au zaidi; na kuna madaraka ya Cantons, na ya Serikali Kuu. South Africa kuna Mawaziri Wakuu wa Majimbo, na wana nguvu hasa tu; na bado Rais wa nchi ndo Supreme. Cha msingi ni Katiba imara. UK; Baadhi ya Waskochi na Wa-Irish Kaskazini na wa-Welsh wanawachukia Wa-English mno; but Katiba ndo inawabana, pamoja na kwamba wana mabunge yao na madaraka Fulani, the bucks stops in London Kwa Serikali ya Shirikisho. Wapo wanaopinga Utawala wa Kifalme, lakini kila mwaka wanawasilisha mamilioni ya Pauni kwake bse misingi ya Katiba ni imara. Quebec na Canada hata lugha ni tofauti, but Muungano wao uko katika misingi ya Katiba imara na unadunda ingawa kila mara Quebec wanajaribu kujitoa, wanashindwa katika Kura ya Maoni; Katiba inasema lazima kujitoa kuungwe mkono na asilimia kadhaa. Germany; kila Jimbo lina Waziri Mkuu very powerful, na ni kama nchi tu, lakini Serikali Kuu ya Muungano ndo kila kitu. Nigeria pia kuna Majimbo yenye hadhi na tabia kama za nchi, na yana rasilimali kama mafuta, na Governors ni very powerful; lakini pamoja na matatizo kadhaa (ambayo hayajasababishwa na muundo wa Muungano, bali na hulka za watawala), Muungano unadumu. Kina Biafra walipojaribu kujitenga, hata wanajeshi baadhi toka huko huko Biafra walimpinga Gen. Ojukwu.
Kuweka, kwa mfano, kwamba Elimu ni haki ya kila Mtanzania haimfanyi mtu kuwa na haki ya kwenda Mahakamani kudai laptops au lunch shuleni, kama ambavyo haki ya kumiliki mali katika Katiba ya sasa haimfanyi mtu kuwa na haki ya kudai apewe ardhi ya kijiji isiyotumika. Kinacholindwa ni kutonyimwa Elimu wakati Serikali ina uwezo, au kubaguliwa katika haki hiyo.
Kuwa wa Kwanza kuweka term limits katika Ubunge siyo tatizo, tunaangalia mahitaji yetu ni yapi na kwa nini wananchi walitaka hayo; mbona tulikuwa moja ya watu wa kwanza Duniani kukataa kuweka vipengele vya Haki za Binadamu katika Katiba yetu mpaka 1984 ili kusaidia programmes za ajabu kama Africanization, then miaka michache baadae tunaajiri consultants kibao wazungu nk. Recalls ni utaratibu wa kawaida tu wa Kikatiba kama watu wanaona mapungufu katika utendaji wa Mbunge wao. Cha msingi ni kuweka vipengele vinavyodhibiti haki ya Recall;mfano, unaweka angalizo kwamba Mbunge au Muwakilishi akiwa mgonjwa au akiwa Rumande kabla ya Hatia hakuna recall mpaka upite muda Fulani. Na pia Recall siyo automatic, lazima kuwe na threshold Fulani ya kisheria, mfano 51% ya wapiga kura wa Jimbo.
Katiba lazima ianishe wazi kwamba Mahakama za Nchi husika zina mipaka Fulani, na Mahakama za Rufaa na Supreme Court zina un-limited powers kuhusu masuala Fulani. Siyo mambo ya sasa ya Zanzibar kubadilisha Katiba yao na kusema mashauri ya haki za binadamu au Katiba yatasikilizwa na Majaji watatu wa Mahakama ya Zanzibar na uamuzi wao ndiyo wa Mwisho; tayari unaua maana ya Mahakama ya Rufani ya Tanzania.
Rasimu haina tatizo, tatizo lililopo ni uoga wa mabadiliko kama waliokuwa nao wale wahafidhina waliotaka kumpindua Gorbachev.
Haya; tusisahau pia kwamba Kura ya Maoni itaendeshwa na Tume Ya Taifa ya Uchaguzi, na Tume ya Taifa ya Uchaguzi ya Zanzibar; kwa kutumia madftari yale yale ya wapiga Kura. Sasa kama hatukujiandikisha, ni tatizo kubwa. Na uboreshaji kabla ya Kura ya maoni ni ndoto, hasa ukizingatia maslahi yanayoonekana sasa. Na tunaziamini kiasi gani Tume hizi zinazolalamikiwa kila mara? Of course swali litakuja kwamba ni nani sasa asimamie Kura ya Maoni; Sheria ingeweza tu kuunda chombo HURU kisicho na doa kama walivyofanya Kenya.

Na Peter Kibatala

Unknown

MWIGULU NCHEMBA BLOG: VIDEO :MH:MWIGULU NCHEMBA ALIPOWALIPUA MH:MBOWE NA...

Unknown

Ndege ya Malaysia iliyopotea MH370.

Machi 8, mwaka huu dunia ilisikia vilio vingi kutoka Beijing, China na Kuala Lumpur, Malaysia. Ndugu, jamaa na marafiki walikusanyika viwanja vya ndege wakiwalilia ndugu zao waliopotea kwenye ndege ya Shirika la Ndege la Malaysia, Malaysia Airlines.

Baadhi ya ndugu wa abiria waliopotea na ndege MH370.

Ilikuwa hivi; ndege hiyo iliyokuwa ikifanya safari namba Flight 370 kutoka Malaysia kwenda Beijing, ilipotea eneo la juu ya bahari katika Ghuba ya Thailand. Ukiondoa wafanyakazi na marubani, ilikuwa na abiria 239. Kati yao 159 ni raia wa China.
Ni takriban siku 20 sasa, ndege hiyo aina ya Boeing 777 (kubwa sana) haionekani. Hakuna mabaki yake! Tayari China, Marekani na mataifa mengine makubwa wamepeleka vifaa vyao kama satellite na radar kwa ajili ya kuitafuta ndege hiyo bila mafanikio (mpaka juzi).
IMEKWENDA WAPI?
Mwaka 2009, ndege kama hiyo ya Shirika la Ndege la Ufarasa nayo ilipotea duniani ambapo ilitafutwa bila mafaniko. Miaka miwili na nusu mbele, mabaki yake yalipatikana kwenye tope zito Kusini mwa Bahari ya Atlantiki.

Ndege ya Malaysia.

Wataalam wengi duniani wa mambo ya usalama wa vyombo vya anga, wamekuwa wakizunguka angani na baharini ili kujua mahali ilipo ndege hiyo.
Kupotea kwa ‘dege’ hilo la Malaysia kumetishia kuvunja uhusiano wa China na Malaysia kwa tuhuma kwamba ulikuwa mpango.
ILITEKWA?
Taarifa za awali zilisema kuwa ndege hiyo ilipoteza mawasiliano na duniani saa chache baada ya kuruka. Kuna wanaosema mawasiliano hayo yaliharibiwa makusudi kwani ndege hiyo ilitekwa. Lakini haingii akilini ilitekwa kwa sababu litafuata swali lingine ilitekwa ikapelekwa wapi hapa duniani?
MAKUNDI YA UGAIDI
Makundi ya kigaidi duniani kama Al qaeda hupenda kujitokeza wakati wa janga fulani na kudai wanahusika. Mbona katika hili hakuna kundi lililojitokeza?
Wengine wanadai labda watekaji waliibadilisha jina ikiwa angani na kwenda kutua sehemu nyingine! Maswali; imekwenda kutua uwanja gani? Kwa ratiba gani? Wale abiria 239 wako wapi?
Sawa. Hata kama ilitua mahali, kwa namna ambavyo teknolijia kwa sasa ni kubwa ingejulikana kwani kubadilisha jina kusingeifanya ndege hiyo isigundulike.
Hata hivyo, pamoja na mkanganyiko huo, kumekuwa na nadharia nyingi ya wapi ilipo ndege hiyo.

BLACK BOX
Kuna maelezo kuwa ndege zote aina ya Boeing 777 zina kisanduku maalum cha kutunzia kumbukumbu za mawasiliano ya marubani wa ndege na waongoza ndege walioko ardhini. Kinaitwa Black Box. Hata kama ndege ikilipuliwa au kupata ajali ya nchi kavu au majini, hakiwezi kuharibika.
Kifaa hicho kina uwezo wa kurusha mawimbi kuonesha kilipo kwa siku zisizopungua 30 baada ya ndege kuanguka.
Sasa wataalam wameshindwa kunasa mawimbi ya chombo hicho na hivyo kuwa na wasiwasi kwamba huenda kiliharibiwa kwa makusudi.
Sawa. Hata kama ndege hiyo ilianguka baharini, kwa nini mabaki yake hayakuelea juu ya maji?
Kulikuwa na tetesi kuwa kuna mabaki yalionekana zaidi ya kilometa 2,000 kutoka Australia, Kusini mwa Bahari ya Hindi lakini wataalam walipofika eneo hilo na vifaa vya uchunguzi, hawakuyaona.Aidha, kumekuwa na hofu kuwa huenda ndege hiyo imetoweka kabisa duniani. Lakini imekwenda wapi sasa?
ILIPIGWA KOMBORA?
Kuna waliosema ilipigwa kombora. Kama ndivyo, mbona kombora hilo halikuonekana kwenye vyombo vya uchunguzi vya kijeshi na vya usalama wa safari za anga? Ingepigwa kombora vingeonekana vipande vilivyosagika.
NJE YA NGUVU YA MVUTANO
Wengine wanaamini ndege hiyo ilipoteza uelekeo na kuruka umbali mrefu wa saa saba kama ilivyoelezwa kisha kutoka nje ya nguvu ya mvutano (gravitational force) hivyo kushindwa kurudi duniani.
Kama ndivyo, basi ndege hiyo itakuwa inaelea nje ya nguvu ya mvutano kwani kitu chochote kikishatoka kwenye Mfumo wa Jua (Solar System) hakiwezi kurudi tena.
MKONDO WA PEMBETATU
Kuna waliokwenda mbele zaidi wakidai kuwa huenda baada ya kupoteza uelekeo, ndege hiyo ilivutwa na Mkondo wa Pembetatu ‘Bermuda Triangle’ uliopo Kusini mwa Bahari ya Atlantiki (Kusini mwa Bara la Amerika) ambapo eneo hilo limekuwa likihusishwa na upotevu wa ndege za kijeshi na meli kubwa za mizigo.
Eneo hilo pia linahusishwa na viumbe wa ajabu waishio angani waitwao Aliens.
Baadhi ya wataalam wa sayansi wa kimataifa wanaiita sehemu hiyo makao makuu ya shetani kwa kuwa wenyewe hawajawahi kufika licha ya kwamba ni hapahapa duniani na wameweza kufika mwezini.
Kuhusu Aliens, wanasayansi wanakubali kuwa wapo, nao wamekuwa wakihusishwa na upotevu wa vitu na watu duniani. Inaaminika wana akili na teknolojia kubwa mno ambayo haipo duniani.
Baadhi ya wataalam wa anga wanasema viumbe hao wente shepu mbaya huenda wakahusika na kuitwaa ndege hiyo kuipeleka wanakojua wao.

NI FREEMASON?
Ukiachana na Aliens yapo madai ya ndege hiyo kuhusishwa na jamii yenye kuabudu mfumo wa imani ya Freemasons (Wajenzi Huru).
Wataalam wa masuala hay o wanaeleza kwamba ukiitazama hata nembo ya ndege hiyo iliyopo mkiani (kama bikari), ni moja kati ya alama za Freemason hivyo si ajabu wameamua kuchukua chao.
Wanakwenda mbali zaidi kwa kuvuta picha ya ramani katika eneo ilipopotelea ndege hiyo juu ambapo kwa chini ukiunganisha eneo moja na jingine inajitokeza taswira ya uso wa binadamu aliyekasirika.
Kwa wasioamini ishu za Aliens na Freemason, wanabaki na hitimisho moja tu kuwa ukweli ndege hiyo haikulipuka angani, haikuanguka baharini wala nchi kavu bali imetoweka duniani! Wataalam wanaendelea kuumiza vichwa. Ni tukio la kihistoria duniani!
Makala; imeandikwa juzi (Jumanne) wakati ndege hiyo haijapatikana.

Unknown

Papa Francis akutana na Obama

Rais Barrack Obama wa Marekani anakutana na na kiongozi wa kanisa katoliki duniani Papa Francis, katika makao yake makuu huko Vatican.

Hii ni mara ya kwanza kwa Obama kukutana na papa Francis.
Rais Obama ameelezea furaha yake ya kukutana na papa mtu ambaye kulingana naye anaishi na kutenda kulingana na injili anayoihubiri.
Maswala mbali mbali yenye umuhimu wa kimataifa pamoja na kidini huenda yakajadiliwa katika mkutano huo.
Wawili hao wanatarajiwa kujadili namna ya kupunguza tofauti iliyopo kati yao katika maswala mengi mbali na kujaribu kuinua maisha ya watu maskini duniani.
Papa Francis amekuwa mstari wa mbele akipigania kubadili sera na mtazamo wa Kanisa na viongozi duniani kuhusiana na mikakati ya kupunguza tofauti kubwa baina ya maskini na matajiri duniani .
Aidha viongozi hao wawili wanatazamiwa kujadili hali ilivyo Nchini Ukraine, na swala la upatikanaji wa amani mashariki ya kati.
Mwafaka baina ya mitazamo tata ya wawili hao kuhusiana na maswala ya uavyaji mimba, matumizi ya dawa za kupanga uzazi na ndoa ya jinsia moja pia inatarajiwa kuwa kati ya mada itakayojadiliwa .
Baada ya kukutana na papa rais Obama ameratibiwa kukutana na rais wa Italia Giorgio Napolitano mbali na waziri wake mkuu Matteo Renzi.
Obama amezuru Roma baada ya siku tatu ya mazungumzo na viongozi wa Uholanzi na Umoja wa ulaya huko Brussels ambapo mada kuu ilikuwa ni taharuki inayokumba eneo zima la Crimea na Ukraine
baada ya Urusi kutuma vikosi vya jeshi lake katika jimbo hilo .
Obama tayari ameanza kuandaa mikakati na vikwazo zaidi dhidi ya Urusi kwa kuingia Ukraine.
Obama ameambatana na waziri wake wa maswala ya kigeni John Kerry.

Unknown

Unknown

Ni kazi ngumu sana kuwafundisha mastaa wa bongo wachezaji hawa hujaa viburi na majivuno. . Wengi hawajitumi mazoezini , mara kadhaa huondoka kambini kwa sababu kibao hawahofu kitu wanajua tu wana namba kikosini hata kocha akibana basi viongozi watampanga tu au hata wapenzi wa klabu hiyo watapiiga makelele kulazimisha mchezaji husika apangwe. . Vimeshuhudiwa vitendo vingi vya utovu wa nidhamu mchezaji anaenda kwao akifika huko hapokei simu ya kiongozi au kubadilisha line kabisa! ! Kiongozi hajui mchezaji anarudi lini mashabiki/waandishi wakiuliza kiongozi hujibu "nimempigia sana simu lakini haikupokelewa ni siku ya 3 sasa tumsubiri tu atarudi" na isitoshe timu inakuwa mashindanoni..
Ernie Brandts alishindwa kabisa kudhibiti vitendo vya nidhamu kwa wachezaji wetu mbali na hivyo hata upendo baina yao wengiwao haukuwepo ikapelekea wachezaji kibao kushuka viwango vyao. .nna uhakika Hussein Njavu wa Ernie Brandts angetemwa msimu ujao alishapotea tayari, Said Bahanuzi, Jeryson Tegete, saleh Dilunga , Oscar Joshua , Juma Abdul na hata Simon Msuva hawa wangepotea mnamkumbuka Nadir Haroub alivochuja? Wengi tukipendekeza atemwe na Brandts akatusikia alikuwa na mawazo kama yetu Canavaro akaanza kupigwa benchi kulia akicheza Juma Abdul, kati Twite na Yondani kushoto Luhende. .
Tulijaza vipaji vingi katika timu yetu lakini hakuwepo kiongozi mzuri wa kuviunganisha matokeo yake timu ikawa inapata hasara tu. . Wachezaji wanaongoza 3 - 0 wanaona wamemaliza kazi wanatuliza mpira kwa makalio kisa washangiliwe matokeo yake kipindi cha pili zinarudi na almanusura tupigwe la 4! Wanatoka uwanjani kesho wamesahau ukiwauliza wanakwambia mpira unadunda mpira ni dakika 90. . Mashabiki tunaumia sana nakumbuka ile siku niliumia kuzidi!
Viongozi wakakaa chini na kulifumua benchi zima la ufundi, wakaorodhesha sifa za kocha atakayetufaa wakagundua lazima awe ameanda umri yaani awe mzee wachezaji wasipate muda wa kushindana naye bali wamuogope kama babu yao au baba yao. . Awe na busara za kiutu uzima! Ndipo tukamuajiri Hans van pluijm kisha wakampa nguvu ya maamuzi kocha pamoja na ukurugenzi wa benchi la ufundi Kisha msaidizi akawa Mkwasa kocha mzawa mwenye elimu ya ukocha na uzoefu na soka la Tanzania! Sasa Yanga ni mshike mshike hakuna wachezaji wenye uhakika na namba! Frank Domayo kampoteza chuji hadi kwenye benchi hayupo, Juma Abdul anaitendea haki namba ya Twite ajirekebishe kukaba, morali na kurusha mipira tu, Niyonzima mchezaji aliyekuwa tegemeo kaumwa alivopona yupo fit lakini Hassan Dilunga anataka kucheza picha la Domayo kwa chuji, Oscar Joshua ashampeleka benchi Luhende, Hussein Javu ambaye hata benchi hakuwepo sasa hivi ashampeleka mtu benchi, Tegete kapewa hiyo nafasi jana mpira ukamkataa Javu akaingia akilini akijua hii timu sasa ni mshike mshike! Kiiza, kavumbagu hatarini. . Jana tunaongoza goli 3 lakini kocha wetu Babu hakutulia kwenye benchi Dakika zote hakuonekana kuridhishwa na idadi hiyo aliwahamasisha wachezaji wetu kusaka ushindi zaidi! Nidhamu imekuwa juu, viwango vya wachezaji vimekua sasa timu inacheza!
AHSANTE BENCHI LA UFUNDI MNANIFANYA NIJISIKIE FAHARI HUKU MTAANI!
ASUBUHI NJEMA MWANAJANGWANI

wachezaji hawa hujaa viburi na majivuno. . Wengi hawajitumi mazoezini , mara kadhaa huondoka kambini kwa sababu kibao hawahofu kitu wanajua tu wana namba kikosini hata kocha akibana basi viongozi watampanga tu au hata wapenzi wa klabu hiyo watapiiga makelele kulazimisha mchezaji husika apangwe. . Vimeshuhudiwa vitendo vingi vya utovu wa nidhamu mchezaji anaenda kwao akifika huko hapokei simu ya kiongozi au kubadilisha line kabisa! ! Kiongozi hajui mchezaji anarudi lini mashabiki/waandishi wakiuliza kiongozi hujibu "nimempigia sana simu lakini haikupokelewa ni siku ya 3 sasa tumsubiri tu atarudi" na isitoshe timu inakuwa mashindanoni..
Ernie Brandts alishindwa kabisa kudhibiti vitendo vya nidhamu kwa wachezaji wetu mbali na hivyo hata upendo baina yao wengiwao haukuwepo ikapelekea wachezaji kibao kushuka viwango vyao. .nna uhakika Hussein Njavu wa Ernie Brandts angetemwa msimu ujao alishapotea tayari, Said Bahanuzi, Jeryson Tegete, saleh Dilunga , Oscar Joshua , Juma Abdul na hata Simon Msuva hawa wangepotea mnamkumbuka Nadir Haroub alivochuja? Wengi tukipendekeza atemwe na Brandts akatusikia alikuwa na mawazo kama yetu Canavaro akaanza kupigwa benchi kulia akicheza Juma Abdul, kati Twite na Yondani kushoto Luhende. .
Tulijaza vipaji vingi katika timu yetu lakini hakuwepo kiongozi mzuri wa kuviunganisha matokeo yake timu ikawa inapata hasara tu. . Wachezaji wanaongoza 3 - 0 wanaona wamemaliza kazi wanatuliza mpira kwa makalio kisa washangiliwe matokeo yake kipindi cha pili zinarudi na almanusura tupigwe la 4! Wanatoka uwanjani kesho wamesahau ukiwauliza wanakwambia mpira unadunda mpira ni dakika 90. . Mashabiki tunaumia sana nakumbuka ile siku niliumia kuzidi!
Viongozi wakakaa chini na kulifumua benchi zima la ufundi, wakaorodhesha sifa za kocha atakayetufaa wakagundua lazima awe ameanda umri yaani awe mzee wachezaji wasipate muda wa kushindana naye bali wamuogope kama babu yao au baba yao. . Awe na busara za kiutu uzima! Ndipo tukamuajiri Hans van pluijm kisha wakampa nguvu ya maamuzi kocha pamoja na ukurugenzi wa benchi la ufundi Kisha msaidizi akawa Mkwasa kocha mzawa mwenye elimu ya ukocha na uzoefu na soka la Tanzania! Sasa Yanga ni mshike mshike hakuna wachezaji wenye uhakika na namba! Frank Domayo kampoteza chuji hadi kwenye benchi hayupo, Juma Abdul anaitendea haki namba ya Twite ajirekebishe kukaba, morali na kurusha mipira tu, Niyonzima mchezaji aliyekuwa tegemeo kaumwa alivopona yupo fit lakini Hassan Dilunga anataka kucheza picha la Domayo kwa chuji, Oscar Joshua ashampeleka benchi Luhende, Hussein Javu ambaye hata benchi hakuwepo sasa hivi ashampeleka mtu benchi, Tegete kapewa hiyo nafasi jana mpira ukamkataa Javu akaingia akilini akijua hii timu sasa ni mshike mshike! Kiiza, kavumbagu hatarini. . Jana tunaongoza goli 3 lakini kocha wetu Babu hakutulia kwenye benchi Dakika zote hakuonekana kuridhishwa na idadi hiyo aliwahamasisha wachezaji wetu kusaka ushindi zaidi! Nidhamu imekuwa juu, viwango vya wachezaji vimekua sasa timu inacheza!
AHSANTE BENCHI LA UFUNDI MNANIFANYA NIJISIKIE FAHARI HUKU MTAANI!
ASUBUHI NJEMA MWANAJANGWANI

Unknown

Kwa mwanamke kumpata mwanaume mwenye muafaka, yaani mwanaume ambaye ni husband material si kazi rahisi. Inaweza kuchukua miezi kama siyo miaka ya kucheza pata potea kabla ya kumpata mwanaume halisi wa ndoto yako. hata hivyo wakati mwingine inaweza kutokea mwanamke akafanya majaribio kadhaa ya kuwa na mitoko (dating) na wanaume tofauti tofauti na bado akajikuta anatoka kapa, yaani hakuna hata mmoja anayefikia viwango vyake alivyojiwekea na kujikuta umri unasonga na bado wako single. Jambo hilo huwachanganya sana wanawake wengi na kuwaletea msongo wa mawazo au vurugu kichwani na kuonekana kama vile wamedata wakati siyo kweli ni kutokana na mapito katika harakati za kumpata mwenza mwenye muafaka.

Hapa chini nitaeleza sababu zinazosababisha wanawake wengi kukwama pale wanapokuwa kwenye harakati za kutafuta mwanaume wa ndoto zao:

1. Hujui unatafuta mwanaume wa aina gani?

Huu ni ujinga unaofanywa na wanawake wengi. Kuna idadi ya kutosha ya wanawake ambao wanakuwa na mitoko na wanaume wa aina tofauti tofauti lakini ndani ya nafsi zao hawajui wanataka kuolewa na mwanaume wa aina gani. Mbaya zaidi wanawake hawa wanajikuta wakipoteza muda wao mwingi wa kuwa na mitoko lakini hawajui wabnachokitafuta, mwisho wa siku hujikuta akiwa ametoka na wanaume wengi sana lakini hakuna hata mmoja waliyemuona anafaa, na jambo hilo huwa linawachanganya na kujikuta wakiwa na msongo wa mawazo, kumbe masikini ya Mungu hawajui kwamba mwanaume wanayemtafuta anafananaje.

2. Kujihisi kutokuwa salama

Kama mwanamke anajihisi kutokuwa salama anapokuwa na mtoko kunamuweka katika mazingira ya kutompata mwanaume anayemtarajia kwa sababu hana uhakika anatafuta mwanaume wa aina gani. Kutojiamini kwa mwanamke kunamfanya kushindwa kufanya juhudi binafsi za kumnasa mwanaume wa ndoto zake kutokana na kujiuliza maswali mengi kwamba mwanaume aliye mbele yake ndiye au siye? Mwanamke kutokuwa na uhakika kama atataka mwanaume wa aina gani kunamuweka katika mazingira ya kushindwa kumvutia mwanaume mwenye muafaka hata kama aakuwa na mtoko naye mara kadhaa. Kumbuka tu kwamba maamuzi ya kuwa na uhusiano kati ya mwanaume na mwanamke yapo zaidi kwa mwanamume, hivyo ili mwanaume aweze kujenga uhusiano na mwanamke ni lazima mwanamke huyo amvutia. Kwa kitendo cha kutojiamini mbele ya mwanaume kinamuweka mwanamke katika mazingira ya kuwekwa pembeni. Ni pale tu utakapokuwa umejua unachokitaka au aina ya mwanaume unayemtaka ndipo utakapojiweka kwenye nafasi nzuri ya kutengeneza nafasi ya kukutana na wanaume wa aina hiyo na ukichanganya na kujiamini ndipo utakapofanikiwa kumvutia mwanaume huyo na kumnasa.

3. Ukosefu wa mbinu za kuwanasa wanaume wenye muafaka

Kwa kawaida kila mtu ana udhaifu wake, hivyo linapokuja suala la mtoko, kila mmoja anajaribu kuwa makini kuficha udhaifu wake. Ukweli ni kwamba jambo hilo linaweza kuwa ni kikwazo kwa mwanamke kumpata mwenza sahihi. Unakuna mwanamke anakuwa na mtoko na mwanaume na katika mazungumzo tu ya kawaida anajitahidi sana kutotofautiana na mwanaume aliyetoka naye au anajifanya ni malaika asiyekosea na kujitahidi kuonyesha rangi yake halisi kwamba yeye ni mwanamke wa aina gani. Ni nyema mwanamke akajipambanua na kuonyesha kwamba yeye ni mwanamke wa aina gani kwani yaweza kuwa kwa jinsi yeye alivyo na anavyoyachukulia mambo ikawa ni sifa ambayo inaweza kumvutia mwanaume aliyetoka naye....

4. Mwanamke anaweka nguvu nyingi kwa aina moja ya mwanaume anayemtarajia

Katika mchakato wa kuwa na mitoko, mwanamke anakuwa amejiwekea aina moja ya mwanaume anayemtaka na anaelekeza nguvu nyingi katika kumtafuta mwanaume wa aina hiyo hiyo. Si vibaya kujiwekea malengo na matarajio kwa aina ya mwanaume unayemtaka lakini vigezo vyako vinakufungwa kwa aina moja tu ya mwanaume hilo ni tatizo. Jaribu kutoka kidogo nje ya vigez ulivyojiwekea inaweza kukusaidi kujua aina tofauti tofauti za wanaume...

5. Bado unatembea na kumbukumbu ya mwanaume/wanaume ulioachana nao

Kwa kawaida wakati mwingine ni ngumu sana kuendelea na maisha yako ya kawaida baada ya kuachana na mpenzi wako uliyempenda sana, hasa kama mlikuwa pamoja kwa kipindi kirefu kidogo na mlipendana sana. Hata hivyo kama bado moyo wako umekuwa ni mgumu kumsahau mpenzi wako mliyeachana itakuwa ni vigumu kuwa na mitoko na kumpata mwanaume wa ndoto zako. kwa kifupi ni kwamba hutofanikiwa kwa sababu hujakuwa tayari.

6. Unajitahidi sana kuchukua tahadhari kupita kiasi....

Baada ya kuwa mwanamke ameumizwa sana katika mahusiano yake ya nyuma mara nyingi humuwia vigumu kusahau na kusonga mbele. Lakini pia huyachukulia mahusiano kwa tahadhari kubwa. Kwa kawaida si ajabu kukuta mwanamke aliyetendwa akiwa amejiwekea ulinzi madhubuti dhidi ya wanaume akijitahidi kwa kadiri awezavyo kuwakwepa na hata kuwakataa au kuwakatisha tamaa kwa kuogopa kuumizwa tena. Lakini ukweli ni kwamba kamwe haiwezekani mwanamke kupata mwenza wa ndoto zake iwapo hatakuwa na moyo wa kuthubutu hata kama atakuwa ameumizwa katika mahusiano yake ya nyuma, mara nyingi tunashauriwa kuyatumia makosa yetu kama elimu ya kutuwezesha kufikia matarajio yetu, kwa kuumizwa mara kadhaa kunampa mwanamke uwanja mpana wa kuwajua wanaume wakware na hila zao. hata hivyo inashauriwa mwanamke kujipa muda kidogo ili kuponya kidonda cha kuumizwa katika uhusiano kabla ya kuanza kuwa na mitoko na wanaume wengine watakaoonekana kuvutiwa naye, kwani kama akiharakisha anaweza kushindwa kumshawishi mwanaume aliyetoka naye kutokana na kutojiamini.

7. Kazi inachukua sehemu kubwa ya maisha yako...

Mtu kuipenda kazi yake siyo kitu kibaya, lakini si vyema kazi yako ikachukua sehemu kubwa ya maisha yako na muda wako kiasi cha kukufanya ushindwe kujichanganya katika mambo ya kijamii au kuwa na mitoko itakayokukutanisha na watu mbalimbali wa kubadilishana nao uzoefu. Wakati mwingine mwanamke anaweza akajikuta hapati mwanaume wa kumuomba mtoko kwa sababu ya kuonekana kwake kuwa na udhati (serious)na mambo yake au kazi yake. Unaweza kumkuta mwanamke muda wote yuko bize na kazi kiasi cha kukosa muda wa kuchangamana na watu wengine. Mwanamke wa aina hii ni vigumu sana kupata mwanaume wa ndoto zake. Inashauriwa ili kumpata mwanaume wa ndoto zake ni vyema mwanamke akajiunga na vikundi vya kijamii hususan kwa huku kwetu viko vikundi kama Vikoba vinavyowakutanisha watu mbalimbali kwa shughuli za kiuchumi au kushiriki shughuli mbalimbali za kijamii ambazo ni rahisi kuwakutanisha watu.

8. Kuwa na mtazamo hasi (Negative) kuhusu wanaume

Huwezi kamwe kumpata mwanaume wa ndoto zako kama una mtazamo hasi kuhusu wanaume. Kama unatawaliwa na fikra za kukata tamaa au kuna sauti ndani yako (little Voices) zinakwambia kamwe huwezi kumpata mwanaume sahihi kwa sababu wanaume wa kuoa wamekwisha au hawapo, na ukaamini na kujenga hofu, ni dhahiri kwamba haitatokea kumpata mwanaume sahihi kama ulivyoamini. Kumbuka kwamba sisi ni kile tunachowaza na kuamini kwa hiyo ni kiasi tu cha kubadilisha mawimbi yako ya namna ya kufikiri kwa kuwaza mambo mazuri unayoyahitaji huku ukiamini kabisa kwamba inawezekana. Lakini pia labda nitoe ushauri wa bure kwa wanawake. Kama unataka mwanaume wa ndoto zako awe wa namna gani basi tengeneza picha yake kichwani mwako na kisha kila siku asubuhi fanya tahajudi kwa dakika kumi tu, na nuia kwamba ungependa ukutane na mwanaume huyo na akupende mfunge ndoa na kuzaa watoto.

9. Kila mwanaume anayekuomba mtoko unagundua siyo sahihi kwako

Kuwavuta wanaume wasiyo sahihi na wasiokidhi viwango vyako kunachangiwa na mambo mengi. Hebu chunguza mawazo yako, chunguza marafiki zako unaoambatana nao, chunguza maeneo unayoishi, chunguza maeneno unayotembelea, Je wewe ni mwanamke wa aina gani, una tabia gani nk......... Ni vyema kama unajiwekea malengo ya kumpata mwanaume mwenye tabia uzitakazo, basi mchakato wa kumpata ni pamoja na kujiweka katika mazingira ya kumvutia mwnaume huyo. Isije ikawa unatamani kumpata mwanaume msomi mcha Mungu na mchapa kazi na anayejali familia (sifa ambazo wanawake wengi huzitamani) lakini wewe mwenyewe hauko hivyo, sasa utatengenezaje connection ya kukutana na mwanaume huyo! Kumbuka pia mwanaume wenye haiba hiyo naye ana ndoto zake ni pale tu ndoto zenu zitakapo match ndipo makapovutana na kukutana na kufikia kufunga ndoa na kujenga familia bora.

10. Unawalinganisha wanaume kupita kiasi

Ni vyema kujifunza kutokana na makosa uliyowahi kuyafanya katika mahusiano yako ya nyuma, lakini makosa hayo yasigeuke na kuathiri mtazamo wako kuhusu wanaume. Ninachotaka kusema hapa ni kwamba si vyema kumlinganisha kila mwanaume unayekutana naye na mwanaume uliyewahi kuwa na uhusiano naye huko nyuma. Kila unapokuwa na mtoko na mwanaume nenda huku kichwa chako kikiwa kitupu kabisa ili kupata mtazamo mpya kuhusu mwanaume huyo kutokana na mazungumzo yenu. ukiwa tayari una hofu za kujiuliza kama atakuwa ni mwanaume sahihi au atakuwa kama fulani, ni kama vile umeshamhukumu na kila jambo atakalofanya au kusema utakuwa na mjadala mzito kichwani ukijaribu kulinganisha na kutafuta majibu jambo ambalo litakufanya usiwe na uzingativu kwenye mazungumzo yenu.......

Unknown

Mwadhama Polycarp Kadinali Pengo,

HALI ya kiafya ya Askofu Mkuu wa Kanisa Katoliki Jimbo Kuu la Dar es Salaam, Mwadhama Polycarp Kadinali Pengo, 70, aliyeadhimisha miaka 30 ya uaskofu hivi karibuni ni tete.
Ilielezwa na baadhi ya watu walio karibu na kiongozi huyo kuwa kutokana na hali yake kuwa tete ilisababisha siku ya maadhimisho hayo Jumatano iliyopita ashindwe kushiriki katika maandamano ambayo yalishirikisha maaskofu na mapadri wa kanisa hilo katika Kanisa la Msimbazi jijini Dar.
Haijawekwa wazi kinachomsumbua kiongozi huyo anayeheshimika katika dhehebu hilo ndani na nje ya nchi lakini habari zinasema Kadinali Pengo hatakiwi kusafiri kwa umbali mrefu kwa kutumia barabara.

Katika sherehe hiyo ambayo pia alikuwa akiadhimisha miaka 43 ya upadri na miaka 16 ya ukadinali, kiongozi huyo aliingia na kutoka kwa kutumia mlango wa mbele na alipokea pongezi akiwa ameketi. Hakuna kiongozi yeyote aliyekuwa tayari kuzungumzia afya ya Kadinali Pengo siku hiyo.
Hata hivyo, Januari mwaka huu askofu msaidizi wa kanisa hilo jimboni humo, Mhashamu Titus Mdoe, alitangaza kuwa Kadinali Pengo ni mgonjwa na alitoa taarifa hiyo wakati wa misa takatifu iliyofanyika kwenye Kigango cha Nzasa, Parokia ya Temboni jimboni humo.
Mhashamu Mdoe hakutaja ugonjwa unaomsumbua Kadinali Pengo, lakini aliwataka Wakatoliki na watu wenye mapenzi mema, kuendelea kumuombea ili apate nafuu.
Alisema ugonjwa wa Kadinali Pengo unaweza kuchangiwa pia na hali ya kuelekea katika uzee, ingawa sababu hiyo haijafikia kuwa chanzo kikuu cha kumfanya augue. Katika misa iliyofanyika wiki iliyopita, Msimbazi, Dar, Pengo alisema:
“Ushirikiano ninaoupata na amani iliyopo ni matunda ya Mwenyezi Mungu. Kipindi nakuja Dar es Salaam, kulikuwa na parokia 20, lakini leo kuna parokia 79, ndoto yangu kabla Mungu hajanichukua nataka niache parokia 100 na hiyo itawezekana kwa ushirikiano wenu.”
Naye Rais wa Baraza la Maaskofu Katoliki Tanzania (TEC), Tarcisius Ngalalekumtwa alimshukuru Kardinali Pengo kwa jitihada zake za kudumisha amani na usawa nje na ndani ya jimbo hilo. Pengo ni kadinali wa pili kutoka Tanzania, aliyeteuliwa baada ya kifo cha Kadinali Laurean Rugambwa mwaka 1997.

Unknown

Kwanini tunajamba?kwanini "ushuzi" unanuka?Kujamba inaweza kuwa kitendo cha aibu kwa wengi wetu,lakini inaweza kukufanya ujisikie vizuri kujua kwamba ni tendo la kawaida sana kwa mwili wa binadamu kutenda.Kila mtu anajamba,hata Halle Berry nae hujamba.

1.Kujamba ni nini hasa?

Kujamba kunasababishwa na kubanwa kwa hewa,ambayo inaweza kutoka mwilini kwa njia nyingi.Baadhi ni hewa tuliyoimeza wakati wa kula au kunywa.Hewa ingine husababishwa na gesi kuingia kwenye utumbo wetu kutoka kwenye damu,na baadhi ya gesi huzalishwa na kemikali katika utumbo au bakteria.Kwa kawaida "ushuzi" unakua na asilimia 59 ya gesi ya nitrogen,asilimia 21 ni hydrogen,asilimia 9 ni carbon dioxide,asilimia 7 methane na asilimia 4 ni oygen. Asilimia moja tu ya "ushuzi" inaweza kuwa hydrogen sulfide na mercaptans,ambayo ndio ina sulfur ndani yake,sulfur ndo hufanya "ushuzi" utoe harufu mbaya Kujamba huambatana na sauti,hii ni kutokana na "vibration" katika njia ya haja kubwa.Ukubwa wa mlio wa kujamba hutegemea "presha" inayosukuma gesi itoke nje na pia ugumu wa misuli ya njia ya haja kubwa.

2.Kwa nini Ushuzi hutoa Harufu mbaya?

Harufu mbaya ya ushuzi hutegemea na ulaji wa mtu,vyakula vyenye sulfur kwa wingi ndio husababisha hili.Vyakula vyenye sulfur kwa wingi ni kama maharage,kabichi,soda na mayai.

3.Watu hujamba hadi mara 14 kwa siku

Mtu wa kawaida hutoa hata nusu lita ya ushuzi kwa siku.Inasemekana mtu akijamba mfululizo kwa kipindi cha miaka 6,anaweza kuzalisha nishati ya kutosha kutengeneza bomu la atomiki.

4.Ushuzi husafiri kwa mwendo wa futi 10 kwa sekunde.

Harufu ya ushuzi huanza kusikika sekunde 10-15 baada ya mtu kujamba,hiyo ni kwa sababu inachukua muda mrefu kwa harufu kufikia pua.

5.Kujizuia Kujamba Inaweza Kuhatarisha Afya Yako

Madaktari hawajakubaliana moja kwa moja kama kujizuia kujamba ni hatari kiafya.Baadhi ya wataalam wanafikiri kujamba ni sehemu muhimu katika mfumo wa mmeng'enyo wa chakula,hivyo kujizuia kujamba haitakuletea madhara.Wengine wanadhani kwamba kujizuia kujamba kunaweza kusababisha tumbo kujaa gesi,na pia inaweza sababisha kikundu(hemorrhoids).

6.Kwa Baadhi ya Tamaduni,Kujamba Sio Ishu

Wakati tamaduni nyingi zikichukulia tendo la kujamba lifanywe kistaarabu,kuna baadhi ya tamaduni hawaoni haya kujamba hadharani,na pia hufurahia tendo hilo.Mfano kabila la Yanomami huko America ya Kusini,kwao husalimiana kwa kujamba,na China unaweza kupata kazi ya kunusa ushuzi! Katika Roma ya zamani,Mfalme Claudius akihofia kwamba kujizuia kujamba inaweza kuwa hatari kiafya,alipitisha sheria kwamba ni ruhusa kujamba kwenye "banquets".

7.Ushuzi Unawasha Moto

Kama ilivyoandikwa hapo juu,methane na hydrogen inayozalishwa na ushuzi inaweza sababisha moto.

8.Mchwa Hujamba Kuliko Wanyama Aina Zote

Ni ngumu kuamini kuwa mchwa ndo anawajibika na matatizo yetu ya "Global Warming".Mchwa huongoza kwa kujamba kwa wanyama,na hiyo huzalisha gesi ya methane.

9.Ukiubana Ushuzi,Utakutoka Usingizini

Hata ujitahidi kuubana vipi,ushuzi utatoka mara utapokua umepumzika,hasa ukiwa umelala.

10. Watu Hujamba Hata Baada ya Mauti Kuwafika

Maiti huendelea kutoa gesi hadi masaa matatu baada ya mtu kufariki dunia,hii huambatana na milio ya kujamba.Hali hii husababishwa na misuli kusinyaa.

Unknown

PAMOJA BLOG: MICHAEL AGUSTINE LUKINDO MTANZANIA ALIYEFARIKI WIS...: Michael Agustine Lukindo enzi ya uhai wake. Kuna Mtanzania mwenzetu amefariki Madison Wisconsin nchini Marekani, wanatafutwa ndugu zake...