JAMII NETWORK

Unknown

1. T.I.D Kauli mbaya na dharau ni kawaida kwake maneno kama mseeenge kuuuma na nk yanauhusiano mzuri na mdomo wake
2. Chidy Benz Ukisikia kampiga mtu alafu ukashangaa basi utakua mgeni nchini na labda kama hujawai kumsikia msanii huyu.ngumi ndio maisha yake sitoshangaa akiingia kwenye masumbwi mda wowote.alama ya nondo iliyopo upande wa kulia wa kichwa chake ndio ishara tosha ya misukosuko anayokumbana nayo
4. Lord Eyes Unga unga unga huo ndio wimbo unaomfanya msanii huyu acheze michezo ya wizi kila kukicha ni umaarufu tu unamuokoa watu wanashindwa kumtenda vibaya sababu wanamjua mfano ommy dimpoz aliamua kumpotezea tu kisa anamfahamu.
5. Hemed Alipokua tusker project fame aliwai kujibizana na jaji ian kiasi cha kutaka kupigana .kifupi ni mtu asiefikiria kabla ya kuzungumza anaweza kukujibu jibu lolote bila kutambua kama yy ni star. Bado hajakua uvumilivu wa kiutu uzima hana mropokaji mzuri sana
6. Dully Skyes Matusi kwake ni kawaida na dharau kidogo hasa za mdomoni na pia ukiwa unamuhoji kua makini maana anaweza akaongea neno baya redioni bila shaka aliwai kumtongoza dj fetty hewani na kumtukana suddy brown hewani lakini ni muelewa kwani baadae aliomba radhi uswahili na kukosa shule tu vinamsumbua
7. Afande Sele Kila mtu kagombana na mtu huyu hio ni story ambayo ipo kila kona ya mtaa kuhusu mtu huyu anaongea kwa busara ila akipata mambo yake anaweza kufanya jambo ambalo litakufanya ufikiche macho kuhakikisha kama kafanya yeye au mtu mwingine aliwai kutishia kuua,kuvua nguo jukwaani, na nk
8. Matonya Huyu yeye ni utapeli tu ndio tatizo lake ukimpa hela ya show kua nae makini sana
9. Mh. Temba Ukiwa una sikiliza nyimbo ya huyu jamaa usikae na mtu mzima maana utaaibika tu matusi ni moja ya vitu anavyopenda kuvitamka na haonyeshi dalili ya kubadilika kila siku

10. Dudu Baya
Huyu jamaa yeye ni ngumi mkononi, ukimzingua kidogo anakuharibu

Unknown

MAKAMU wa Kwanza wa Rais wa Zanzibar, Seif Sharif Hamad, ametajwa katika Bunge Maalumu la Katiba, kuwa miongoni mwa viongozi wa mstari wa mbele kupinga muundo wa serikali tatu mwaka 1984, huku akiwaita wanaoutaka kuwa ni wahaini wanaostahili kuchukuliwa hatua.

Akichangia mjadala katika Bunge hilo jana, Mjumbe Muhammed Seif Khatib alieleza namna Seif alivyokuwa akijitoa mhanga kutetea serikali mbili kiasi cha kuiba nyaraka za Ikulu kuzima mtandao wa waliotaka serikali tatu.

Khatib ametoa ushuhuda huo huku akinukuu maneno ya Seif kama yalivyokuwa wakati akiwasilisha hoja za kutetea serikali mbili ndani ya kikao cha Halmashauri Kuu ya Taifa (NEC) ya CCM, mwaka 1984.

Alisema katika taarifa rasmi za NEC ya CCM, zinaonesha Seif akisema amesikitishwa na kuumizwa sana na mbinu chafu za kutaka serikali tatu, zinazofanywa na baadhi ya viongozi wa Baraza la Mapinduzi Zanzibar walipoelezea msimamo wa makubaliano ya serikali tatu, na kuhoji ukweli wa jambo hilo.

Kwa mujibu wa Khatib, kauli hiyo ya Seif aliitoa alipokuwa akimtuhumu aliyekuwa Rais wa Zanzibar, Aboud Jumbe Mwinyi, kwa kupanga njama za kuanzisha muundo wa Muungano wa serikali tatu, kwa kushirikiana na baadhi ya viongozi wenzake.

“Nataka niwarejeshe wabunge kwamba, Aboud Jumbe angefanikiwa na hoja yake ya kutaka serikali tatu, leo hii tusingekuwa na mkutano huu, hakufanikiwa kwa kuwa kiongozi mmoja wa CUF, Seif Sharrif Hamad, alimsimamisha na hayo yamo kwenye taarifa sahihi za mkutano wa CCM, Dodoma mwaka 1984,” alisema Khatib.

Khatib alinukuu kauli ya Maalim Seif: “Msimamo wa Jumbe umetufadhaisha sisi sote, tunataka maelezo yake ni dhahiri hoja ya serikali tatu haikuanzishwa na watu wadogo, imechangiwa pia na baadhi ya viongozi wa Baraza la Mapinduzi na Aboud Jumbe ni chanzo cha hayo.

Kwa mujibu wa Khatib, taarifa hizo rasmi za CCM zinaonesha wazi kuwa Seif alikuwa mstari wa mbele kuzuia serikali tatu, na kuwa mtetezi wa serikali mbili, ambapo alijaribu kufanya kazi tatu.

Alitaja kazi ya kwanza aliyofanya Seif ni ile ya Uchunguzi, ya pili ya Mwendesha Mashtaka, ya tatu Wakili CCM na aliwatuhumu watu wanne, akiwemo Jumbe, Jamal Faki, Abuu Salim na Wolfgang Dourado, ambaye alikuwa Mwanasheria Mkuu wa kwanza Zanzibar.

Seif kwa mujibu wa Khatib, aliwaita akina Jumbe kuwa ni wasaliti wa nchi na aliamua kwenda kuwashitaki katika kikao cha NEC ya CCM, na kusema wao wanataka serikali tatu hivyo wanastahili kuhukumiwa.

“Seif huyo alisema anasikitishwa sana na Dourado kusafiri kwake na amekuwa akiukashifu Muungano na kudai sio halali, na kudai jeuri ya Dourado ameipata wapi ya kusemea Wazanzibari na kudai ruhusa kapewa na nani ya kwenda Ulaya,” alisema Khatibu akimnukuu Seif akitoa mashitaka kwa Mwenyekiti wa CCM, wakati huo Mwalimu Julius Nyerere.

Khatib alisema Seif hakuishia hapo bali aliwashitaki watuhumiwa wote kwenye Mahakama ya NEC na kuiomba iwahukumu watakaohusika na kuhitimisha kuwa wanaotaka serikali tatu ni kinyume na matakwa yao na shabaha ya malengo yao na hiyo inahatarisha usalama wa nchi, na kwamba ni vitendo vya uhaini.

Khatib aliendelea kusema, kama hilo halikutosha, kwenye hotuba ya Rais wa Zanzibar, Seif alituhumiwa kuwa ndiye aliyeiba waraka wa siri Ikulu ya Zanzibar, ili kuzima mtandao uliokuwa umejipanga kuanzisha serikali tatu.

Kwa mujibu wa Khatibu, Seif amelikiri kwenye kitabu cha Profesa Issa Shivji na kusema alifanya hivyo kwa lengo la kutetea serikali mbili.

“Maalim Seif wa mwaka 1984 alikuwa mtetezi wa serikali mbili lakini baada ya kufukuzwa kwenye chama mnamo Mei 13, mwaka 1988 saa nne usiku, kuanzia hapo akawa mtetezi wa serikali tatu, Januari mwaka jana akaanza kudai serikali ya Mkataba, huyo ndio Seif.

“Kwake yeye kudai serikali tatu kipindi hicho ilikuwa ni uhaini, leo je? Hapa tunajifunza kwamba baadhi ya viongozi wa upinzani akiwepo Maalim Seif ni kinyonga wakipita kwenye mvua wanafanana na rangi ya mvua, baharini ni kama bahari akipita kwenye jua ni kama jua.

“Seif ni kinyonga, wananchi wawe macho kwani anabadilika kila mara awali aliwashutumu wote waliotaka serikali tatu, akisisitiza ziwe mbili lakini leo amebadilika tena anataka Mkataba,” alisema Khatibu.

Mjumbe wa Bunge Maalumu la Katiba, Hamad Rashid Mohamed, alisema Seif ni kiongozi hatari na kigeugeu ambaye awali alikuwa na msimamo wa serikali tatu lakini sasa anasimamia Muungano wa Mkataba.

Hamad ambaye mbali na ujumbe wa Bunge Maalumu ni Mbunge wa Wawi kupitia CUF, nafasi aliyorejeshewa na Mahakama baada ya kutaka kunyang’anywa na chama chake, amesema mwaka 1992, uongozi wa CUF ulisimamia serikali tatu lakini juzi Seif katika mikutano ya hadhara alisema msimamo wa chama hicho ni Muungano wa mkataba.

“Tuangalie viongozi wanaobadilika badilika, mwaka 1992 msimamo wa CUF ulikuwa serikali tatu, juzi serikali ya mkataba, anabadilika kila baada ya dakika tatu, kiongozi wa aina gani huyu? “Mwaka 1984 Seif alitaka serikali mbili, mwaka 1992 akiwa CUF msimamo ukawa Serikali tatu, juzi mkataba, huyu ni kiongozi wa aina gani, ni wa kuwaongopea watu,” aliendelea kusema Hamad.

Alisema wakati wakidai Katiba mpya, CUF na vyama vingine vya upinzani viliandamana na kuwaingiza watu kwenye ulemavu, wajane na watoto, wanafunzi walikosa masomo na leo badala ya kuhakikisha Katiba inapatikana, wanahatarisha amani na kutaka mapinduzi tena.

Alihoji kati yake na Maalim Seif, msaliti ni nani kwani wakati wakiwa wanatafuta serikali ya umoja wa kitaifa, walikutana sehemu mbalimbali ikiwemo Dodoma na kuafikiana namna ya kuunda serikali hiyo, lakini alishangaa wenzake watano akiwemo Seif walijifungia ndani, wakaja na mkataba na kuhoji kama ni usaliti, nani msaliti wa wenzake.

“Tulienda kwenye kikao cha Halmashauri Kuu (wakati wakiwa CCM kabla ya kufukuzwa) na ikapendekezwa Mwinyi (Rais Ali Hassan) agombee urais na kwa vyovyote Maalim Seif awe Waziri Mkuu…kama haitoshi, wakati Idrisa (Abdul Wakil) akiwa Rais, Seif aliendelea kuwa Waziri Kiongozi Zanzibar, sasa Wazanzibari msaliti mnamfahamu?” alihoji Hamad.

Alisema yeye tangu mwaka 1982 yupo Tanzania Bara na kwamba uhusiano wake na Bara si wa kawaida, ni wa kindugu wa damu na kusema kama kuna watu wanasema yeye amekimbia, hakimbii mapambano wala hakimbii tendo la kihistoria. “Mheshimiwa Mwenyekiti nilifiwa mimi, mtu wa kwanza kuja alikuwa Kingunge Ngombale Mwiru (Mjumbe wa Bunge hilo) ndio wengine wakafuata, undugu wetu si wa kawaida,” alisisitiza Hamad.

Unknown

Tatoo ya Naomi Michelle Coleman inaonyesha picha ya Budhaa ambaye ni Mungu waumini wa dini ya Budhaa.

Mtalii mmoja muingereza amekataliwa kuingia nchini Sri Lanka baada ya kupatikana akiwa amechorwa 'Tattoo' ya Budhaa kwenye mkono wake.

Naomi Michelle Coleman, alikamatwa na maafisa wakuu alipowasili katika uwanja wa ndege katika mji mkuu Colombo baada ya maafisa wakuu kuiona 'Tattoo' hiyo kwenye mkono wake wa kulia.
Budhaa alikuwa mtu mwenye busara na hekima kubwa na pia mwanzilishi wa dini hiyo ambayo mafunzo yake mengi yalijenga msingi wa dini yenyewe.
Msemaji wa polisi alisema kuwa mwanamke huyo mwenye umri wa miaka 37, alikamatwa kwa kosa la kuwachukiza watu wa dini ya Budhaa na pia kwa kuumiza hisia zao za kidini.
Hakimu aliamuru Bi Coleman arejeshwe nchini mwao.
Kwa sasa anazuiliwa katika kituo cha wahamiaji wanaosubiri kurejeshwa makwao.
Maafisa huchukua hatua kali dhidi ya watu wanaonekana kutusi dini ya Budhaa ambayo waumini wake wengi wanatoka kabila la Sinhalese lenye idadi kubwa ya watu nchini humo.
Bi Coleman aliwasili katika uwanja wa ndege wa kimataifa wa Bandaranaike siku ya Jumatatu kutoka nchini India ambapo maafisa punde ya kuiona Tattoo hiyo ya Budhaa akiwa amekaa kwenye mauwa, walimkamata.
Mwezi Machi mtalii mwingine muingereza, alizuiwa kuingia katika uwanja huo baada ya maafisa kusema kuwa alijibu kijeuri alipohojiwa kuhusu Tattoo aliyokuwa amechorwa ambayo pia ilikuwa na Budhaa.

Bi Coleman anazuiliwa katika kituo cha wahamiaji wanaosubiri kurejeshwa makwao

Maafisa wa Sri Lanka ni wakali sana kwa watu wanaoonekana kudhihaki dini ya Budha

Unknown

Wanawake nchini Venezuela wanatumia kemikali haramu kuongeza ukubwa wa makalioyao na kujiletea madhara makubwa ya kiafya

Hii ni kutokana na mtindo ambao unaonekana na wengi nchini humo kwamba mwanamke mwenye makalio makubwa ndiye anayependeza zaidi

Wanawake wengi sasa wanahatarisha afya zao kwa kutaka kuwa 'warembo'
Akiwa anabubujikwa na machozi , mwanamke kwa jina Denny anakumbuka vyema alivyoamuka siku moja na kujipata na uvimbe sawa na ukubwa wa mpira katika sehemu ya chini ya mgongo wake.
Hangeweza kutembea wala kuinama na uchungu ukawa mwingi kupita kiasi.
Hata kabla ya kumwona daktari, Denny, mwenye umri wa miaka 35 ambaye pia ni wakili, alijua kuwa hiyo ilikuwa athari ya kudungwa kemikali ijulikanayo kama 'silicon' , ili kuongeza ukubwa wa makalio yake.
Uvimbe huo ulisonga hadi katika sehemu ya chini ya mgongo wake na kuanza kuumiza uti wake wa mgongo. Yote kwa sababu ya kutafuta urembo.
"nilishtuka sana . Singeweza kutembea na hivyo ndivyo masaibu yangu yalivyoanza, ''alisema Denny.
Sindano ambazo wanawake hujidunga ili kuongeza ukubwa wa makalio , ni moja ya mbinu ya kujiongeza urembo ambayo wanawake wengi wamebugia nchini Venezuela.

Daktari anaonyesha picha ya moja ya athari za sindano za Silicon kwa makalio

Sababu? Kupata kile ambacho jamii inaona kama urembo.
Sindano hizo zilipigwa marufuku na serikali mwaka 2012, miaka sita baada ya Denny kudungwa.
Denny alidungwa sindano ya kemikali hiyo ya Silicon mwaka 2006 na leo ndio ameanza kuhisi athari zake.

Miaka 18-50

Hata hivyo wanawake wengi wanaendelea kujiongezea makalio. Takriban asilimia 30 ya wanawake walio kati ya umri wa miaka18 na 50 wanatumia Silicon kuongeza ukubwa wa makalio yao.
Wanawake wanavutiwa na mbinu hii ya kuongeza ukubwa wa makalio kwa sababu bei yake ni nafuu. Lakini madhara yake ni amkubwa mno.
Madaktari wanasema kuwa kemikali hii husambaa mwilini na pia inaweza kuathiri kinga ya mwili.

Madaktari wanamfanyia upasuaji mwanamke aliyepatwa na madhara ya sindano za Silicon

Utafiti unaonyesha kuwa wanawake zaidi ya kumi hufariki kila mwaka kutokana na kudungwa sindano hizo.
Kuna madaktari wawili pekee wanaoweza kumfanyia upasuaji mtu kama Danny aliyeathrika kutokana na kemikali hiyo lakini kwa Danny anahitaji kusubiri kwa mwaka mmoja kabla ya kufanyiwa upasuaji huo maana kuna wanawake wengi kwenye orodha ya wanaosubiri kufanyiwa upasuaji.
Wanawake wengine wanasema kuwa wanalazimika kuongeza ukubwa wa makalio kutokana na shinikizo za wapenzi wao. Lakini madhara yanapowakuta , ni wao wanaoteseka zaidi.
Astrid de la Rosa ambaye sasa ni mwanaharakati anayepinga sindano hizo,anasema yeye hakujua kama mwanamume angeweza kumfanya akaoengeze ukubwa makalio yake.Nusura amuache
Lakini madhara yalimpmata walati kinga yake ya mwili ilianza kuathirika baada ya kudungwa sindano hiyo na kuwa na makali makubwa..
Wanaharakati nchini Venezuela wanataka serikali ichukue hatua kali zaidi dhidi ya wanaowadunga wanawake sindano hizo za 'Biopolymer.'
Waigizaji , wanaume kwa wanawake, wanamitindo , wote hawa wanataka kupendeza na hivyo hudungwa sindano hizo nchini Venezule, lakini madaktari wanaonya kuhusu madhara yake ambayo ni makubwa mno.

Unknown

Unknown

Mwanasaikolojia Zick Rubin kutoka Chuo cha Havard nchini Marekani aliwahi kusema kwamba watu wanaopendana hutumia asilimia 75 kutazamana kuliko wasiopendana, ambao kiwango chao ni asilimia 30-50.
Hii ina maana kwamba mwanaume anapotumia muda wake mwingi kumtazama msichana na kugeuka taratibu kuangalia vitu vingine kama mtu asiyependa kuacha kumwangalia, ujue anampenda.

MIPANGO
Mwanaume anayekupenda atakushirikisha kwenye mipango yake hasa ya muda mrefu. Mfano akitaka kununua kiwanja, kujenga nyumba atakuambia na pengine kutaka mchango wako wa hali na mali katika kulifanikisha hilo. Ukiona mwanaume anakuficha mambo yake, tambua kuwa huyo ana walakini kwenye penzi la dhati na la muda mrefu.
ATAONESHA HUZUNI
Katika maisha ya mapenzi kuna wakati wa kuhuzunika. Mwanaume mwenye upendo wa dhati atashirikiana nawe wakati wa huzuni na kuwa mstari wa mbele kuhakikisha kuwa unapata furaha.
ATAKUAMINI
Dalili nyingine ya kupendwa na mwanaume ni kuaminiwa kwenye maisha kwa ujumla. Yaani mwanaume anayekupenda hatakuficha kitu, mfano pesa zake, atakupa uhuru kwenye simu yake na kukuamini katika usimamizi wa miradi yake.
ATAKUPA NAFASI
Ninapozungumzia nafasi nina maana atakukaribisha kwake bila hofu na kukupa nafasi ya kuingia na kutoka bila mipaka, atakupa nafasi ya kuweka vitu vyako kwenye kabati na kuruhusu nguo, picha na vitu vyako kuonekana wakati wote chumbani kwake.
UTAKUWA MWANAFAMILIA
Mwanaume aliyefikia chaguo la mwisho kwa mwanamke humshirikisha mpenzi wake kwenye masuala yake ya kifamilia, mfano atamwalika kwenye vikao vya harusi, kipaimara, atatoa nafasi ya kuambatana naye kuona wagonjwa, kusalimia ndugu na atakuwa huru kukutambulisha kwao.
ATAZUNGUMZA NAWE KUHUSU WATOTO
Kwa kuwa wanaume wengi hufikiria kuwa na familia, mwanaume anayekupenda atazungumza nawe mipango ya kupata watoto kwa kuwa atakuwa amekuchagua wewe kuwa mama wa wanaye na atapenda mazungumzo hayo.
ATAKUSAIDIA
Kwa kuwa kukwama ni sehemu ya maisha yetu, mwanaume anayekupenda atakuwa tayari kukusaidia unapokwama. Kila mara atahakikisha kuwa unakuwa na mafanikio na yeye atakuwa tayari kukupunguzia usumbufu wa maisha, kwa kukufuata kazini, kukusaidia baadhi ya mambo na hata ya nyumbani.
ATAJITOLEA
Ninaposema kujitolea ninamaanisha atakuwa tayari kufanya mambo yako na kuyaweka yake nyuma. Kwa mfano akiwa anapenda mpira na siku hiyo kuna mechi, lakini muda huo ukamwambia akufuate kwa mjomba wako atakuwa tayari kuacha furaha yake na kukujali wewe. Huyu ni mwanaume anayekupenda kwa dhati.
ATAAMBATANA NAWE
Wapenzi wengi wasiokuwa na mapenzi ya dhati huona aibu kuambatana na wapenzi wao kwenye mikusanyiko ya watu, lakini mwanaume anayekupenda atafurahia kutoka moyoni kuongozana nawe kwenye halaiki ya watu na kufurahia uwepo wako bila kuona aibu.

Unknown

Nilimsikiliza Mheshimiwa Tundu Lissu na nasikitika kwamba sikubaliani naye jinsi alivyoeleza shutma juu na dhidi ya Mwalimu Julius Nyerere, Baba na Muasisi wa Taifa letu.

Inajulikana na umma wa Watanzania, kwamba mimi binafsi, kama Waziri wa Fedha, nilitofautiana na Mwalimu, nikajiuzulu Uwaziri Decemba,1979, nikimwomba ateuwe Mtanzania mwingine atakayeshauri mambo ya Uchumi na Fedha. Lakini tuliendelea kuwasiliana kwa maelewano bila chuki, na hata aliniteuwa niwe Mwakilishi wa Tanzania na Afrika inayoongea Kiingereza katika IMF (Shirika la Fedha Duniani) chini ya miaka mitatu baadaye Novemba, 1972.

Nimekuwa na mawasiliano na maelewano mazuri sana na Mwalimu hata baada ya kuasisi CHADEMA, Julai 1992 na tulipokamilisha Katiba na Sera za Chadema, nilimtembelea Nyumbani kwake Butiama nikampa azisome ajionee jinsi tulivyonuia kuwahudumia Wananchi wetu. Hata siku moja siwezi kumtusi Muasisi wa Taifa letu. Iwe ni mwiko pia kwa Chama cha Demokrasia na Maendeleo kumtusi Baba wa Taifa.

Ningewashauri uongozi wa Chadema na hasa Vijana wa M4C (Vuguvugu la Mabadiliko) tuendelee na uhamasishaji : kwa umakini, tukiwa na huruma kwa wanyonge maskini wa kutupwa, tukijiandaa kwa umakini na kiutaalamu Sera na Mikakati ya kuwakomboa toka katika umaskini wa kutupwa kwa kutumia nguvu ya umma (Peoples Power) tukitumia mikakati sahihi: kwani Hakuna Kulala Mpaka Kieleweke:

Mikakati na Sera sahihi ikiwa ni kutumia misingi ya Uchumi na Miundombinu tulionayo licha ya uhalisia dhoofu tulioridhi; tukiwaenzi walioijenga na kuturidhisha kwa unyofu wao.

Roho ya Julius Nyerere ilale mahala pema Peponi. Amen!

With all due respect to Hon. Tindu Lissu, this smacks BAD TASTE.

Edwin Mtei,

Founder Chairman of CHADEMA